قصة البشري وجاره المطيري

[بسم الله الرحمن الرحيم






كان هناك رجل من قبيلة مطير نازل عند البشاريه جار لـجري البشري وكان ولد
المطيري ومحمد ولد جري البشري دائما يطلعون لصيد سوا وطلعو مره من المرات
وتفرقو لصيد وتواعدوشجره معروفه عندهم اللي يصل الاول ينتظر الثاني فيها .محمد تصيد
ويوم تعب راح للشجره اللي متواعد هو وولد المطيري عندها جا تعبان ونام بظل الشجره
علي ظهره وثاني رجل وحاط الرجل الثانيه فوقها .ولد المطيري يوم خلص وهو يجي للشجره
ووصل الشجره شاف منظررجول ولد البشري وخيل انه ضبي واقف يوم الله قدر وحل اجل ولد
البشري وادرقه لين زان مرماه وهو يرميه والياه قاتله .وهو يجي يركض ويوم وصله والياه خويه
ولد البشري وهو تكبر مصيبته ويبلش مايدري وش يسوي ويجلس عند جثته لين غابت الشمس
وهو ياخذ البواريد ويشيل خويه علي ظهره ويجي لبيت ابوه بيت المطيري ويوم شافه ابوه قال
عساكم صايدين .قال نعم صدة صيد ماعمري صدة مثله ,قال ابوه وش صدة .قال ذبحت ولد جارنا
جري رميت خطره احسبه ضبي ويعلم ابوه بالسالفه كلها .وياخذه ابوه ويروح به للامير امير
البشاريه .قالو بهاك الوقت انه الشيخ سمره البشري .ويعلم الامير بسالفة ولده والمصيبه اللي صارت
قال هذا ولدي قتل ولد جاري وولدي تحت حسنة جاري وسيته ان إبحه بسداد ولده وان اعتقه
جزاه الله خير .ويقوم الشيخ سمره ويشب النار ومن المتعارف عليه بوقتهم اذا شبت عند بيت الامير
ناركبيره تأكدو كل القطين ان فيه حاجه كبيره وامرا مهم لازم يجون كلهم ويوم تجمعوا كلهم عند
الامير ومن ضمنهم جري البشري ابو الولد المقتول علمهم الامير بماحدث .وقال ياجري هذا
ولد جارك ذباح ولدك استلمه تحت حسناك وسيتك سكت اجري لين استوعب الوضع وزال عنه الذهول
.ويقوم ويقص من شعر ولد جاره المطيري .قال اشهدكم ولشهد الله اني اعتقته لوجه الله
ولحق جاري علي .قال سمره لجماعته تسوقون ولد جري قالو حنا جاهزين قال الامير يالله هذي اربعين اعقال
كل واحد منكم يجيب ناقه ويجيبونها اربعين ناقه عندبيت الامير قالو هذي ادية ولدك ياجري
خذها قال ولدي اعتقته لوجه الله ولاابي له اديه كل واحد ياخذناقته ولاقصرتم ياربعي .
طبعا القصه هذي عليها دلايل واجد من القصيد القديم لكن انا ما حفظ منها شي يأهلني اجيبه
ذكر الاستاذ خلف الغالب بــالمختار من قصص واشعار حرب قصيده قديمه للشاعر لم يورد
اسمه





البشـري اللـي قصـتـه تـرفـع الــراس=وافــــــي اليـابـارالـعـمـيـل بـعـمـيـلــه
قالوولـد جـارك لـفـا عـقـب الادمــاس=قـاتـل ولــدك وفـــوق مـتـنـه يشـيـلـه
وخمسين وضحا نوخن دون هوجاس=وعـطـيـن ولـدجــاره بـسـبـة قـتـيـلـه
ساقو ولدهم حـرب مـن حـر الاكيـاس=حـيـث انـهـم ملـفـا العـلـوم الجمـيـلـه




ومن قصيده للراحل الاديب /محمد العسيلي اسكنه الله فسيح جناته
يعدد بها بعض افعال حرب اختار منها مقطع يخص سالفة البشري








يانورلـنـا معـجـزات مـسـمـاهومن دوحة الشيمه لنا فروع واعذوق
الطيـب لنـا فبـه جلـه وعلـيـاهماطيبنـا هرجـة بلاعيـم واحلـوق
الجار عـن ميـلات الايـام نـدراهشف قصة البشري بها العلم ماثـوق
كن المهادي شـق لـه مـن مزايـاهلولا الخبرمعروف تقـول مسـروق
تشابهة قصـة هـل الحلـم والجـاهقصه مثل قصـه وقايـع ومنطـوق
بس المهادي جار جاره علي انسـاهوهذا سبب خطله من ايدين مطفـوق
جار غريب وشاف له ضبي واخطاهواصاب جاره جعـل يمنـاه للعـوق
وزبن علي البشري وخصـه ببلـواهقدام لايـدري عـن العلـم مخلـوق
وقام الامير اللي ابيض العلم ينصـاهونادى علي ربعه وقالو اجمعوسـوق
ويوم اجمعوخمسين وضحـا محنـاهرفع براة الجار فـي راس صعفـوق
وابو القتيل اضفا علي الجار حسنـاهواعاد لربعه ماجمعوا له من النـوق
ونويشي اللي خلـد الوقـت ذكـراهله مركزفـي قمـة المجـد مرمـوق
راع النقـازاح المـلامـه بيمـنـاهدون الخوي مايلحقـه كـل ملحـوق
قص اربعه واثنين والسابـع اعيـاهبقطع اليمين اللي علي الجنب مطروق
ودخيل له جارعلي الهجـن خـاواهفي غزوة لامـن سلامـه ولاوفـوق
وقال البلالي ذا خويـي وانـا افـداهموتي بعـز ولاحكـي كـل زاروق
هذا اجنبـي وامـه ورانـا تحـراهمودعتني واو سط الجوف محـروق
وخلف ربيع اللـي هـزال مطايـاهبنـا لنـا بيـت مـن المجدمنتـوق
لـه بالكـرم ذمـه وقمـه ومثـنـاهوله به مقاضب سيف بيدين فـاروق
ويوم السنين اللي ماتذبح بهـا الشـاهمخيمر المطلق قرا الضيف بالنـوق
ذبح معواده ولف غربه علي رشـاهولاضيعه من يرزق الخلق من فـوق
وابا الشيم حجـرف قليلـه حلايـاهاضن مـا سـوى سوايـاه مخلـوق
له بالكرم مشـوار ماتلحـق اخطـاهومال يطب امراح ابوزيـد ممحـوق
هاذي نماذج مـن شيمنـا المزكـاهيشهدبها عاتق علي اخـوه معتـوق

بشري قول وفعل مشكووووووووووووووووور